غبي يشرح جريمة قتل

غبي يشرح جريمة قتل

تبدأ احداث القصه في أحدى المدن ..

لشخص غبي وعلى نيته ..



الضابط : انت متهم بجريمة قتل

الغبي : بس والله انا ما أكلت دجاج اليوم !!

الضابط : انت تستهبل ... ؟؟ (( قالها واهو معصب ))

الغبي : لا والله ما استهبل ... بس الجوع كافر ... شسوي ؟؟؟ مظطر !!

الضابط : اها .... يعني تعترف ؟؟؟ انك انت المجرم ؟؟ (( ويخزه بنظرة حقد ))

الغبي : اي نعم أعترف أنا المجرم

الضابط : أبيك توصف لي شلون قتلتها

الغبي : اول شي شفتها تتمشى بالحوش وتاكل حب

وبعدين لحقتها .... أبي أصيدها ...

قامت تركض ... تركض

وانا أركض وراها
....
تركض .... وأنا أركض وراها ..

تركض وانا أركض وراها ....

واهي تركض ..... وانا

الضابط : وبعدين شصار عقب ما ركضت وراها ؟؟؟ (( طبعا معصب )) ...

الغبي : حكرتها بالزاويه وقلت لها ان تحركتي بذبح عيالك كلهم وأقليهم

الضابط : ومهددها بعد ؟؟؟؟ ..... وتبي تذبح عيالها ؟؟؟ **

الغبي : شسوي ... انا مظطر ... أروح أمد ايدي للناس ولا أذبحها ؟

الضابط : قال باستهزاء .........(( لا اذبحها أحسن واذبح عيالها ))

الغبي : شفت شلون اني مسكين ومظطر ؟؟؟

الضابط : لاتستهبل (( ويلكه كف على عينه )) ...

الغبي : ليش يا حجي انا ما ذبحتها الا وانا ماخذها بالحلال

الضابط : يعني كنت متزوجها ؟؟؟؟

الغبي : لا ماتزوجتها !!

الضابط : هذي جريمه ثانيه غير انك ذابحها... كنت معاها بوضع مشبوه **

الغبي : استغفر الله العظيم ... لا انا ما اسوي كذي

الضابط : كمل لي السالفه أول وبعدين يصير خير .... شلون ذبحتها ؟؟؟

الغبي: ..... بالسكين

الضابط : وين الجثه ؟؟؟

الغبي : تحللت خلاص ..

الضابط : وين يعني ؟؟؟؟

الغبي : الحين وصلت المجاري ...

الضابط : (( يتصل على العمليات بانهم يبحثون بالمجاري عن الجثه )) ....

الو الو عمليات ..... المجرم اعترف والجثه بالمجاري ...

الغبي : ياحضرة الظابط ... شلون بتعرفونها؟؟؟؟

في شغلات وايد معاها ....

الضابط : شنو معاها ؟؟؟؟ لايكون في جثث ثانيه ؟؟؟؟

الغبي : الصراحه ايه .... في أكثر من جثه

الضابط : عمليات عمليات الو الوووووووووو الووو ... في اكثر من جثه .... كثفوا الوحدات !!!!!!

وابحثوا في كل المناطق ... المجرم اعترف ... انه في اكثر من جثه ...

الغبي : يرجف من الخرعه ويقول (( شنو راح تسوون فيني؟؟؟؟ ))

الضابط : راح تتحاكم ويمكن تاخذ مؤبد أو اعدااااام

الغبي: طاح غشيان من الخرعه .
...
يصحونه ويكبون عليه ماي ....

الغبي : هاااااا شنو ؟؟ منو ؟؟؟؟ انا وين ؟؟؟؟؟؟ والله ما سويت شي ؟؟؟

الضابط : كل هذا ما سويت شي؟؟؟؟؟؟

الغبي : يا حضرة الظابط كنت جيعان وشفتها وذبحتها وأكلتها

الضابط : أكلتها؟؟؟؟؟؟؟؟ ...... شلون تقول انها بالمجاري ؟؟؟؟؟

الغبي : اي نعم اهي بالمجاري .....

الضابط : انت عبيط ولا تستعبط و لا تسوي نفسك غبي ؟؟؟؟

الغبي : والله ما استعبط .... هذا اللي صار والله

الضابط : في أحد يذبح انسان وياكله ؟؟؟؟ ويقطه بالمجاري ؟؟؟؟

انت شنو ؟؟؟؟؟ وحش؟؟؟؟ ذيب ؟؟؟؟

الغبي : يطالع الظابط باستغراب ...

ويقول .....

بس انا ما اكلت انسان !!! ..... ولا ذبحت انسان وقطيته بالمجاري

الضابط : لا تكذب .... توك قايل لي

الغبي : أنا أقصد (( الدجاجه ))

الضابط : أي دجاجه ؟؟؟؟؟

الغبي : اللي اشتريتها من بوعلي راعي الدجاج ..... وذبحتها وطبختها وأكلتها

الضابط : يعني انت ذابح دجاجه ؟؟؟؟

الغبي : اي نعم .... دجاجه

الضابط : وشنو قصة المجاري؟؟؟؟

الغبي : ياحضرة الظابط .. أي شي ينوكل .. يتحلل بالبطن .... ومع احترامي لك ...

يروح بالمجاري

الضابط : عمليات عمليات ..

مافي جثه ولا في شي بالمجاري ..... غير دجاجه معفنه ومتحلله


أنا لو مكان الضابط كان ذبحته هههههههه

الموضوع الأصلي: غبي يشرح جريمة قتل || الكاتب: معزوفه || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: الطرائف والفرفشة

---

yfd davp [vdlm rjg

المصدر : || منتديات شهرزاد الادبية إسم الموضوع : || غبي يشرح جريمة قتل  القسم : || الطرائف والفرفشة كاتب الموضوع : || معزوفه

شكرا على الطرح المميز
لا عدمنا روعة مواضيعك
دمت لنا ودام تالقك الدائم
تقبل خالص تحياتي

معزوفه معجب بهذا

الف شكر لكِم على الموضوع الراقى
سلمت يداكم على طرحكم الاكثر من رائع
و الله يعطيكم الف عافيه...
وفي انتظاااارجديدكم دائما
.*. دمتِم بسعاده لاتغادر روحكم.*.

معزوفه معجب بهذا

لا عدمنا التميز و روعة الطرح
دمت لنا ودام تالقك الدائم
آرق التحايا

معزوفه معجب بهذا

شكرا لمرورك على موضوعي