تراتيل عاشق صوفي

هذا المساء تخنقني عبرتي
اشتاقك واعرف انك ليس معي

أحتاجك
يا من اختفيتي ولا اعرف اين انت

ما أكدر اسولف بيك
ولا أكدر اجيب اسمك
واحجي بشخصك وطاريك
ولا اكدر اكَول اهواك
واجيب اعله الخلك طرواك
اخاف الناس تاكل بيك

تدريني احبك حيل
ياشمعه التضوي الليل
يارروحي وغرامي
وكلي هايم بيك

ياليل الشته شطولك
وياثلث الاخير شمالك وشتريد
تفززني وانه المجنون
وامي بعوذة الكشاف عاذتني
عيون اعله السمه
وأيد تنطر أيد

بيه بجيه.....
بكد زماني المارحمني
وبيه صرخه.....
توصل الحد الســــمه
بيه لوعه شكد جبيره
بكبر شوك الناس
وبكد القصايد
وبكثر كل العيون الحالمه

مسافرين.....بلا وداع
ولاسمعنه كلمه حلوه
مسافرين....وعزف ناي
بلالحن وبلايه غنوه

مو عيب اليحب ياحلوه لا موعيــــب
لاسهــله التزعله يرجع بســـــــــاعه

حبيب انت حبيبي وما أبدلك دوم
انت الكون كله وانه احب كونك
شفت لونك حبيبي مايشابه لون
عديت الالوان وما طـــلع لونك

أحبك يــــابعد عمري
واحبك موت يالغالي

ودينه رســايل شوكَ
تخبرك علجره بحالي