تراتيل عاشق صوفي

اجواء مدينتي الماطرة
وخلو الشوارع من الماره
قد يجعلني امطر

في داخلي الف قصيدة وقصيده
ولا اعرف لها عناوين

اعشقك حد الهذيان
ياخمر قصيدتي

حلو ابيض حبيبي موشح بلون
تحسده اعليه كل اشكال الالوان

فضيه الحمامه أم سود العيون
لبست ثوب وردي وعزفت الحان

كافي زعل ياوردة القداح

ما مرتاح
تاخذني الهواجس للزمان الفات
ارجف مستحه والناس كلها اشباح
يا طيف اللفاني وشاح
ماعون وطفل يرعاه
ها كظ زين..
تاليها تبده وطاح

دمعاتي عمتني والدموع هموم
عفية هموم دوم مرافكَه الفلاح
اسولف عالمضه سكته
اضحك والدمع فضاح
شلون ارتاح..
وانتَ ساكن بديره
وحشة ليل كلها والصفير يدور
وين ألكَاك ماتنلاح

ياوحشة كَبر والناس غت وليل
تفتر بس نعي وصياح
ريشه بريح صدكَ من يمر طاريك
ماكو كل بشر وياي....
احاجي أرواح

أم وفاكَدة الواحد تظن ترتاح؟
صينية عرس وبنصها انه شموع
هلاهل والصفكَ.....
والفرح عني لاح
جم بطران طفاني واكَول تهون
رغم خلصان..
نخلة وشالت السباح

على وحشة نغيكً غراب
والخوف يردف خوف
جمرة وتشتعل..
والباقي مني راح
جوعان لغرامك دوم
بس انه هضم شبعان
ولا روحي بعد ترتاح
خليك بوهم يالعيشتني اوهام
عساك ببلوتي تنصاب
والله الرازق الفتاح