شخباااار قلبك اليوم

لا طيف اليمرني ولا خبر يوصل
يا كطره على كطره الدمع من يهل
يدوخ اللي عشك وتبده شوكه بليل
يضل برمال صحره محزم ويشتل
حتى اللي تضمره يصير زين وياك
محتار بقضيته ودربه مايندل
اثاري شما المن من بقايه الصيف
حد ما ارد اشربه.. الماي متوشل.

إنته العيد وعيادي اليجن انته
وانت الفرحة والصوغات هم انته
يا اجمل فجر من تشرق الاشواق
تجيني من الصبح والشعر ناثرته
يا ضحكة بشفافج نايمه من سنين
اجه وكت المعايد والكلب جبته
يا دكاته كبل العيد مامرتاح
خافن ما تجين ويظن عايفته.

لتگول الزمن غدار ويخون
زمانك ماغدر هم اليغدرون
لجلكم حاربت كول گال ويگول
گلت ماريد غيرك گربي يكون
ولا يحتاج أگلك طبعك تخاف
كلامك هو يثبت للينشدون
احبك حب طفل مجنون ويريد
حنان امه وصدرها وغيره ميكون
بوكت الموزمة تضحك بالحروف
وكول الناس تعرف بيك مرهون
شحلاتك من تغطي وانت مكشوف
خساره صرت بگلوب اليعرفون
وصل حده الحجي ما ينفع الزين
تدگ بسمار بكلوب اليكرهون
بس انت النصح ميفيد وياك
يفيد وياك من تسمع يودعون.

ماكلهم بعد عدولي الجــروح
كلما عدوا بسرعه يلجموني
ولا أبجـــي بنهــر ودمــوعي تروح
شيـهمـ النهر لو احفــر عيونــي
سوالف للفجر والعتب مسموح
ومن يخلص حجيهم ما يسمعوني
وافتح بااااب گلبــي لليجي يبوح
واحبهم بالاشارة وما يفهموني.

انت بجيتك وبغيبتك هاي
تشعل نار گلبي وما تطفيني
لو اگعد اسنين العطش كلها وياك
هم احتاج منك ساعه ترويني

الكلب هذا اليوم بس يكتب اشعار
كثر المحنه البيك منها القلم غار

القلب عقيم
لا يلد المشاعر لغيرك ~

حاســـبني اذا تلگه مكان
بگلبي مــا يهــــــــواك

وينك يحلو الطول بس مر علينه
جيب الگلب وياك راح من ادينه

اكتم بالگلب جم حسبة لو شفتك
وگول شلون بارد جفك وشفتك
تمنيت المسافة اصير لزمة ايد
ولمّْ الشوگ كله واملي بيه گلبك
بارد ما يهمك تضحك من بعيد
لا بچتك عين ولا نزل دمعك