ثالث حكام مصر عباس حلمي الاول

ثالث حكام مصر عباس حلمي الاول

بسم الله الرحمن الرحيم اللهم صل على محمد وعلى آله وصحبه أجمعين

عباس حلمى الاول ( جده ، 1 يوليه 1813 - بنها ، 13 يوليه 1854 ). تالت حكام مصر من اسرة محمد على. والى مصر من 10 نوفمبر 1848 لغاية وفاته سنة 1854. ابن احمد طوسون باشا ابن محمد على باشا. اتولد فى جده و نشأ فى مصر. اهتم بيه جده محمد على باشا عشان يأهله لحكم مصر إكمنه كان أكبر افراد اسرة محمد على فى السن و أحقهم بولاية الحكم بعد عمه ابراهيم باشا ، فإداله مناصب ادارية و حربية ، وعينه فى منصب مدير الغربيه لكن عباس الاول ماكانش ادارى كويس و اتميز بالقسوه فى تصرفاته فكان محمد على باشا بيحذره من مغبة تصرفاته. شارك مع عمه ابراهيم باشا فى الحرب فى الشام لكن ما أظهرش كفاءه و عمه ابراهيم باشا كان هو كمان مش عاجباه ميله للقسوه و معاملته الوحشه للاهالى فأجبره على الهجره للحجاز فعاش هناك لغاية ماإتوفى ابراهيم باشا فإستدعى على مصر و خلفه فى الحكم فى 24 نوفمبر 1848.

فضل عباس حلمى فى الحكم لمدة خمس سنين و نص و فى الفتره دى اتصرف تصرفات وحشه مع افراد اسرته و رجالة جده و كان موسوس منهم و بيشك فى انهم بيتأمرو عليه فبقى بيعاملهم وحش فخافو منه و فيهم هاجرو على استنبول و اوروبا. شخصية عباس حلمى الاول كانت غريبه و كان شكاك فى الناس و عشان كده كان ميال للعزله و مابيخرجش الا نادر من سراياته اللى كان بيبنيها فى اماكن بعيده عن العمران. بإستثناء سراية الخرنفش و سراية الحلميه فى القاهره بنى قصر فى صحرة الريدانيه اللى اتحولت لمنطقة العباسيه على اسمه " عباس " ، و بنى قصر على طريق السويس و قصر فى بنها على ضفة النيل و هو القصر اللى اتقتل فيه.

رجع ادارة موانى سواكن و مصوع للدوله العثمانيه. قفل مدارس و معاهد كتيره و عاش عيشه فيها بذخ و ترف و مااهتمش بشئون الدوله ، فضعف الجيش المصرى و البحريه المصريه فى عهده. اتفتح فى عهده اول خط سكه حديد فى مصر. توفى فجاءه فى قصره فى مدينة بنها فى 13 يوليه سنة 1854 و خلفه عمه محمد سعيد.
أهم أحداث عهده
• افتتاح اول خط سكه حديد فى مصر
مراجعة وتنسيق ناطق ابراهيم العبيدي

الموضوع الأصلي: ثالث حكام مصر عباس حلمي الاول || الكاتب: ابراهيم دياب || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: شخصيات تاريخيه في الذاكره

---

ehge p;hl lwv ufhs pgld hgh,g

المصدر : || منتديات شهرزاد الادبية إسم الموضوع : || ثالث حكام مصر عباس حلمي الاول  القسم : || شخصيات تاريخيه في الذاكره كاتب الموضوع : || ابراهيم دياب

شكرا على الطرح المميز
لا عدمنا روعة مواضيعك
دمت لنا ودام تالقك الدائم
تقبل خالص تحياتي