07-08-2020
|
|
|
عامية مصرية ساخرة أحذفني شكرا
أحذفني شكرا ...
لاني مش بكتب في اي امور ...
ولا بجامل علي حساب الاصول ...
ولا بخدع مبدأي ...
أحذفني شكرا ...
لاني مش علي هواك ...
ولا نازلك من زور ...
وكلامي زي السيف في الحق وربنا ...
أحذفني شكرا ...
لاني صريح من غير قلة أدب أو تجريح ...
والصراحة عيب في زمنا ده وجريمة ...
أحذفني شكرا ...
هقول كل اللي عاوزه ...
والشلة مش شلتي ...
والمشرفين مش بتوعي ...
ولا حد منهم طايقني ...
اخرتها ايه موضوع مغلق غير الحذف ...
أحذفني شكرا ...
لإنك مش بترد الحجة بحجتها ...
ولا بتتناقش ولا بتتحاور ...
ولا عارف فين العلة وسكتها ...
أحذفني شكرا ...
مادمت مش بتراجعني في حاجة قولتها ...
وماسك في ايدك استيكه كل شوية بتبلها ...
وكدة هتحذف وكدة هتحذف ...
سبني افضفض بقى ...
وبعدين ...
أحذفني شكرا ...
فتحي عيسي
|