كنافة

المكوّنات
القطر: كوبين سكر+ كوب ماء + عصرة ليمونه
½ كيلو كنافة
تقريبا 4 ملاعق سمنه ذايبة وملعقة بظرجة حرارة الغرفة
جبنة محلاة(حلوة)
الخطوات
اول خطوة نحضر القطر ونتركه يغلي 5 دقايق وبعد ما يغلي بنضيف عصرة الليمونه وماء زهر اختياري
نحتاج نص كيلو كنافة..اذا حابينها ناعمه بنفرمها بفرامة الخضار او بنقطعها تقطيع بايدينا اذا حابينها خشنه
بعد ما فرمناها بنضيف عليها من ملعقة لثلاث ملاعق كبار قطر (اللي جهزناه) وكمان بنضيف 4 ملاعق كبار سمنه ذايبة وبنقلبهم كويس مع بعض
بنحتاج صينية المنيوم وبندهنها بملعقة كبيرة سمنة بدرجة حرارة الغرفة وبنوزع الكنافة بالتساوي فالصينية... وبنجيب نايلون طبخ ونغطي الكنافة فيه وبنوخذ صينية ثانية وبقاعدتها نضغط ع الكنافة اللي بصينيتنا الاولى او غطا صينيه مسطح ونضغط كثير منيح عالكنافه
بنحط الجبنة المُحلاة مفرومة بتكون ،فوق الكنافة ونبعدها عن الاطراف 2 سانتي عشان ما تلزق بالقاع لما نقلبها بس تستوي...
بعد ما جهزناها بنشغل النار ونخفضه ع نار هاديه وبنحط الصينية ع الاطراف يعني ما نحط الصينية بالنص عشان راح تحترق هيك! بنظل نحرك الصينية بشكل دائري عالنار بس من اطراف الصينية
لما نشوف الكنافة بلشت تتحمر من الجوانب وينقلب اللون والجبنة بلشت تسيح بننزلها عن النار ونقلبها بصينيه ثانية ونشربها بالقطر وبنزينها فستق ونرش جوز هند...طبعا التزيين اختياري

جنة الروح ,اثير حلم ,محمد المقاول معجبون بهذا

الموضوع الأصلي: كنافة || الكاتب: رحيل || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: الخيمة الرمضانية

---

;khtm

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ