02-20-2020
|
#160
|
المدير العام
|
يالضايع بكلبي شما ادور عليك
اريد ابعد عذابك وانهي تاليتك
يا تهمة عشك صابتني من اسنين
بدلت الفرح بالدمعه حبيتك
مشاوير الغزل وياك هي دواي
كلما يحتدم جرح البعد جيتك
اشوفك كمر مايستلم اي تغير
ضواك وروحك وايام حنيتك
انا باسمك بعدني مسجل التاريخ
ما يرضى القلم تغير جنسيتك
ياحضرة عشك حاضر بكل دنياي
اذكرك بالمحبة شلون داريتك
سديت على شخصك بابي وارتاحيت
وعن عين البشر بعيوني ضميتك
اذاكلبك تبدل ما نبي تصليح
وتدريني بعشرتك (لوك)سويتك
لا كلبي حجر حتى ارغب التغير
ولا كلبك حجر تكطع هوى ريتك
د سميني على كد البيك من اشواق
يا الاهلي وعمامي وكلي سميتك.
الوااافي
|
|
|
|