أحبك ... خليها فعل ... مش كلمه
--------------------------------------------------------------------------------


نفسي تعمل.... "بحبك" .... مش تقولهالي

هي حلوة منك والله عارفه

لكن من قلبك بجد..صدقني احلى

طب قولي إنت إيه أحلى؟

تديني ورده كل يوم..

ولا في آخر الشهر دبلة؟

تعملي الدنيا دي جنة..

ولا تشتريلي أحلى شقة؟

يجمعنا سقف واحد..

ولا نتقابل في الجامعة؟

عارفه..قلبك مقدر

بس عايزه عقلك يفكر

مش كفاية حبك وشوقك

اتعب شويه عشان نكمل

عشان يبقى حب بجد منور

عشان لما نشوف حد ف طريقنا

ماألاقيش إيدك من ايدي تهرب

وكإنك كنت بتسرق....

عشان لما ارسم حرفك...

ولا أكتب اسمك ع الكتاب

مخبهوش ولا اقفلهوش

حبي وحبك هيكفينا أنا وانت

لكن مش هيكفي الناس حوالينا

" بحبك "...قلهالي وماله..

بس عشاني...إعملها بجد..

........وشوف إيه احلى ؟



انك تقول ( بحبك ) ولا تعمل كلمه ( بحبك


صدى الحرمان