08-13-2019
|
|
|
لحن عراقي
اذكر من هذاك اليوم
مامرت ولاتسال
واناطرها وكتبت حروف
وبعد كلمات اتغزل
وهي راحت مع النسمات
ونار الشوك بي تشعل
...
مدري الشوك لعيونك
مدري لحرفك الفتان
وتظل روحي بظماااااا
وانت الماي ...وانا عطشان
...
امر بدروب ماشيها
عساك بيوم ترجعلي
واريد اتملى بعيونك
عذرا كون تسمحلي
واذا اغفى ويجيني النوم
غطيني برموش العين يبردلي
...
تمر بيه مثل غيمة
عطش صحراء وامتاني
هاجت ريح تبعدكم
وحلم ترجع الي ثاني
واظل بحسرتي وناديت
ولك والصبر اذاني
ماترجع حجر صوان
قلبك ليش تنساني
...
امر بغداد اعاتبها
وادور كل درابيني
واسايلها عن الاحباب
ولاتمسح دمع عيني
ولاجني علكت شموع
بشواطيها عناويني
ولانذري يذكرهااااا
حرام الجفا يكويني
...
وارد بحسرتي وحروف
وتتبع اهتي اهاااات
وارسمك نجمتي بالليل
واغازلها بعذب كلمات
واكول تعود بلكي تعود
واردد كلمتي مرات
اذا ضيعت دربك يوم
انت دروبي ماتندل
اذكر من هذلك اليوم
مامرت ولاتسال
واناطرها وكتبت حروف
وبعد كلمات اتغزل
وهي راحت مع النسمات
ونار الشوك بي تشعل
بقلمي
فتحي الجبوري
|