منتديات شهرزاد الادبية - عرض مشاركة واحدة

06-07-2019

يا عرب عيني شقيه والسبب حب بدويه
نكبت جرحي عليه واسمها المجهول عليا

يوم مرت مع طريقي صرت متبلع بريقي
شب في قلبي حريقي من نظرت عيوني عليا

قلت يا عليا خذيني عندكم يا نور عيني
لو تبي ثم تقتليني مقدر اصبر ابغى عليا

صوت قالت لي اسمع يمكن امشي الساعه اربع
لقطر والصبح برجع قلت مقدر ابغي عليا

اركبت سي اون وافتر سافرت وانا اتعبر
قلت يا قلبي تصبر تفترج وتعود عليا
وادعتني وزاد غلي وانحدر دمعي يهلي
صرت حاير في محلي واتخيل شوف عليا

رحت للدوحه وراها مقصدي اطلب رضاها
يمكن اعود معاها للاحساء واحضى بعليا

في قطر سآلت عنها قالو راحت لوطنها
قلت توي جيت منها وفي الوطن ما شفت عليا

جيت انا راعي التذاكر اسآله من الي مسافر
قام يفتش بالدفاتر قال فيهم اسم عليا

قلت بس هذا مرادي رغبتي وزرع فوادي
سافرت بأي بلادي قال في لبنان عليا

قلت انا لازم اجيها في لبنان اسال عليها
ما اجي الين التقيها لو اموت باسباب عليا
احببت ارد عليك بهذي
واتمنى انك تذكرها
حبيب قلبي لانها من
الزمن الجميل اللي انت خابره
حفظك الله