منتديات شهرزاد الادبية - عرض مشاركة واحدة

اوسمتي · #1 05-15-2019

مرايتي...بقلمي حصريا

اليحب يتعدة كل خطوط حمرة
ويحس بثلج وبأيدة جمرة
يسهر للينامون ويكتب للميقرون
وغنيهم من يحب تشوف فقرة
شفت بمرايتي ذبلانة العيون
محدب والوكت كاسرلة ظهرة
بالاول ماعرفتة هواي كبران
وعرفتة من بياض الصبغ شعرة
كتلة شبيك شو متغير هواي
ماردلي اضن خلصان عمرة
وكام يمتمت ويهذي بخرافات
وعرفت السالفة الكسرتلة ظهرة
الوفي من ينجرح للموت ميطيب
شيطيبة اذا بالكلب كسرة
وانة مرايتي بيها حجي هواي
مغطيها اريد الجرحي استرة
شستر موفضحني الشيب بالعين
لو بالراس جان اصبغ وغيرة
جان ارتاح من كل السؤالات
حتى بضحكتي يفسروها حسرة
اذا اتكلم يكولون مجنون
واذا اسكت الشامت سيفة نظرة
مذبوح انة كلشي محير وياي
لان ملوحتة بجروحي غزرة
طبع دلة انتجي اعلة الجمر مرتاح
ويدوروني رغم كهوتي المرة
عشت محبوب بين اللي يكرهون
واني اقرة بكلبهم ضحكة صفرة
المهم ضحكولي ماهمني شيضمون
البشر بخلاقة مو بشكثر عمرة
وخانوني لان ماعدهم اخلاق
وساترهم لان اخلاقي سترة

بقلمي
عامرالعراقي

أبو خليفة ,الملكة شهر زاد ,روح المسك ,الوافي معجبون بهذا

الموضوع الأصلي: مرايتي...بقلمي حصريا || الكاتب: الشاعرعامرالعراقي || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: شعر شعبي

lvhdjd>>>frgld pwvdh

المصدر : || منتديات شهرزاد الادبية إسم الموضوع : || مرايتي...بقلمي حصريا القسم : || شعر شعبي كاتب الموضوع : || الشاعرعامرالعراقي