04-22-2019
|
|
|
اشوف اسمك تواجد
اشوف اسمك تواجد
غيبتك هذي تراها عليك تشغلني == طمني عنك وقلي ماذا جرالك
ماهي عوايدك تتقافى وتهملني == وانته على بالي ويمكن اني على بلك
اشوف اسمك تواجد يا مجنني == بس المشارك ليه يا خل ما تشارك
يكفي كفايه ترى الشوق ذابحني == يكفيني كلمة غلا توضع في مرسالك
قلبي تعب تفسير للكيف او يعني == بالله ماذا جرى يا سيدي في حالك
انا اكتم الشوق بس الشوق يفضحني == واخاف لانطق باسمك واكيد غذالك
ابوح في اوراقي لعل البوح ينفعني == وادخل لقلبك واطفي كل اشعالك
يا قاضي الحب بالله قوم وانصفني == من ما تجنى عليه واقفى وانا هالك
قصيدي لا يعبر عني شخصيتي
انما هي توارد افكار تجول بخاطري
فاضعها لكم هنا
وشكرا
وليدة اللحظه
اتمنى تحوز على رضاكم
اخوكم ووالدكم حمد الغنيمي
|