03-02-2019
|
|
|
خمس على خمس
انا البارحه عيني جـفاها غـفـاها == وامسيت اصفق كفي خمس على خمس
على فراق اللي حرقني هـواهـا == وخلفني هذا الحب يومي كما امس
اول تجـيني حتى عنـدي اراهـا == واليوم اتمنى من صوتها همس
واعز نفسي يوم تــزايـد عزاها == من صاحب يهرج معايه بلا نفس
قربه يطـفـي نار زايـد لــظـاها == ويشفى فؤادي لو حصل منها لمس
وان جيت اعبر عن نفسي وبلاها == تتشتت افكاري بكنس الهوى كنس
والعذر يوسعــني الى من قراها == حيث الهوى قفى ما عاد له نفس
بعز الشباب كنا نطامر وراها == وندور المزيون كمن ضاع له فلس
هيهات يا قلب يوم فاته هواها == يوم انطفـــت ناره ماعاد له حس
والله يا الوافي كان عينك تراها == ريم حـــشاء لله ما تنــــــتدنــس
ارجو ان تنال اعجابكم
وشكرا لمن مر من هنا
|