03-02-2019
|
|
|
|
عتاب
حيرتني واحترت ربي يجازيك
بشكيك لأهل المنتدى والإدااره
نمتي ! وانا كم ليلة ٍ كنت اوصيك
نسهر الين الصبح يشرق نهاااره
شعري ليا منك دعيته يلبيك
حرفه حطب والقاف يقدح شراره
الجو مظلم والفكر منشغل فيك
اسرح واولع دون ما أشعر زقاره
مشتاق والمشتاق ربي يخليك
شد بيده ثوبه وقطّع زراره
ياجعل منهو ضايقك للمهاليك
يموت والأسباب عدوى حراره
في حارتك عذري ابيّع مساويك
بالمسجد اللي شامخ ٍ بالمنااره
سبحان منهو ياغلاتي مسويك
نورك يُضيئ انوار كل العمآره
قلبي طفل لاغبت عني يناديك
وقبلك تراهو شيخ حافظ وقآره
والله مابه شخص عندي يساويك
وانت الوحيد اللي ظفر بصدآااره
من حزة المغرب الين اذن الديك
وانا عيوني شاغلتها العبااااااره
الله يسامح @ذاك في كلمته ذيك
قلبي تعب من (حيرته) وإنكسآره
|