منتديات شهرزاد الادبية - عرض مشاركة واحدة

اوسمتي · #1 01-30-2019

السلام عليكم ورحمة الله وبركاته

اسعد الله اوقات الجميع

مطر خفيف بالعاميه المصريه
ولهجتي الصعيديه

محدش عارف

محدش عارف ان الحزن بالكيله
والجراح تلاليس
تقيله علي محزم القلب يا شيله
ومصكوك عليك يا هوى بالمتاريس
معروف هتعيشها متغرب
100 ليله في الليله
معروفه موته وهتموتها
موته فطيس

يا راضي بمقسوم همك
ربك قالها في كبد هتعيش
وهتفرح لو التراب لمك
من عيشة التهميش

عيشها ببساطه يا قلبي
منا طول عمر الهم دا صاحبي
عارفه من وانا عودي اخضر
علي التراب يحبي
ولا عمري خبيت عليه فرحه
ولا عمره كان في عيني متخبي

عيشها بالرضا يا عمري
واطلع كل يوم علي الغيط
وفي القياله يا همي اجري
وخدني معاك تحت شجرة سنط
نلعب بقرضها الحنضل
ونرسم بيه علي ارضنا 100 خط

خط عمر وخط هم
وخط فرح مش باين
وخط الغربه يا طوله
ما باين له اول ولا آخر
وخط الوجع فاجر

بيضحك علي كل الخطوط في الارض
بيضحك علي كل دقه في قلبي ونبض
يا دنيا منا عايشك بالطول وبعرض

ومتقسم علي حدودك
ولا مره علي ترابك
علي نفسي بتلم
ولما بلاقيني علي حدودك
بلاقيني سايح دم
بلاقيني سايح دم

17 يناير 2019

بقلمي ياسر ابراهيم
بكاء

[youtube]http://

أبو خليفة ,الوافي ,نغم ,الملكة شهر زاد معجبون بهذا

الموضوع الأصلي: محدش عارف || الكاتب: بكاء بلادموع || المصدر: مملكة السلطانة شهرزاد

http://shrzad.com

كلمات البحث

خواطر ، اشعار ، ادب ، تصميمات ، مقالات

المصدر: منتديات شهرزاد الادبية - من قسم: نبض الخواطر/ النصوص الحصريه بقلم العضو يمنع المنقول

lp]a uhvt

المصدر : || منتديات شهرزاد الادبية إسم الموضوع : || محدش عارف القسم : || نبض الخواطر/ النصوص الحصريه بقلم العضو يمنع المنقول كاتب الموضوع : || بكاء بلادموع