تعال ..تعال شبيك
كلبي مفرفح يريدك
غصة بروحي ضلت
من اثر فركاك
ضميت ايدي خاف
يروح عطر ايدك
احاجي مرايتي
لمن تمر عالبال
وحضن بالصور
واشهك بيك شهكة موووت
يروحي روحي التريدك
كل يوم احتفل وياك
شمعة واحترك
وامطر ادموع اعليك
وعيد كل سنة بعيدك
بعيد انت وعليك اشتااااق
وتحركني الاشواك
اشما يمرني غروب
احسبها حبيبة
وضاعت امن ايدك
بعد شحسب تعال
ومرمراني فراك
ادورك ويييين
ياهو اليمي ويجيبك
احبك كد حروف الكون
كد الماي كد اسنين تعذيبك
تعال الحضني مو بردان
يريت الصابني يصيبك
فركة ودمرت دلال
اشوفك بس حلم
واكول شيجيبك...


شاعرتنا الجميلة جنة الروح
ادهشني احساسك الررراائع المفعم بالحب وكلماتك المشتعلة بالاشواق
وبادرت لمجاراتك بكلماتي المتواضعة
قسما اصفق لك بحرارة
لهذه الكلمات الجميلة والامشاعر الصادقة
لك اجمل باقات الورد
ولقلبك سعادة لاتزول