منتديات شهرزاد الادبية - عرض مشاركة واحدة

08-30-2020

مرات اشوفك شمس

مرات اشوفك ليل

مرات احسك ثلج

مرات احسك سيل

ياليل وحشه ارويحتي

ومسكونه بيها اشباح

وياليل حتى بنومتي

صدكني ما مرتاح

مرات اغمض صدك

ويندهني طيفك حيل

مرات اشوفك شمس

مرات اشوفك ليل

مرات اشوفك جرح

ومرات اشوفك دوه

ومرات احسك ألم

ومرات احسك هوه

يادنيه صعبة حالتي

وكل لحظة اشوف الموت

ويادنيه حتى الفرح

ايمر علي بسكوت

مرات احسك اللي

دجلة وفرات ونيل

مرات اشوفك شمس

ومرات اشوفك ليل

مرات اشوفك نهر

من تعطش انهاري

ومرات اشوفك عطش

من تذبل ازهاري

ياروحي هذا العشك

جوياته صعبة تصير

ومعروف طبع الوفي

مايعرف التغيير

محبوبي ليش اتغيرت

وبيه كمت اتعيل

مرات اشوفك شمس

ومرات اشوفك ليل

بقلمي
مجيد السيد