تاكو الدجاج

[الغرور]

السلام عليكم ورحمة الله وبركاته


تاكو الدجاج ...منقول

وصفة بتشهي طعم النكهات فيها غير شكل .. والوانها بتجنن والأهم من هيك الخبز بطلع معنا فيها طري .

الخطوة 1️⃣
رح نحتاج لصدور دجاج مسحبة عدد٢ بنقطعهم لمكعبات صغيرة وعلى القلاية وبنغطيهم حتى تنزل المي منهم ويطبخوا منيح .

الخطوة 2️⃣
بس يجهزوا بنضيف فوقهم :
- نص فليفلة صفرا
- نص فليفلة حمرا
- نص فليفلة خضرا

مقطعين لمكعبات صغيرة متل الصدور وبنحركهم منيح وبعدها بنضيف هالنكهات عليها :

- معلقة صغيرة فلفل أسود
- معلقة صغيرة بابريكا
- معلقة صغيرة بهارات مشكلة
- معلقة صغيرة كزبرة
- معلقة كبيرة ماجي بودرة
- رشة ملح

بنحركهم منيح وبعدها بنسكب كوب
من كريمة الطبخ فوقهم وبنرجع نحركهم وبنخليهم يغلوا مع بعض شوي وبنطفي تحتهم وبنتركهم ليبردوا .

الخطوة 3️⃣
رح نستخدم اي غطا صغيرة موجودة عنا حجم وسط أو صحن زبادي ونشكل الدوائر فيهم بخبز التورتيلا متل الصورة ..
انا استخدمت تقريبا ٦ خبزات حجم كبير وعملت هالكمية (دوائر ميني)
وبعدها بنرتبهم بالصينية .

الخطوة 4️⃣
بعد مابردت القلاية بنبدأ نعبي الدوائر معلقة كبيرة لكل وحدة .

وبس ننهيهم بنرش عالوجه مازوريلا
وعالفرن على الشواية من فوق مابتطول لتتحمر وتعطينا هاللون الحلو وعلى التقديم مباشرة ..

اذا بدنا نحافظ على طراوتهم ومابدنا نقدمهم مباشرة بنخليهم بالفرن وهو مطفي بس لسا سخن وبنغطيهم بصينية أكبر .

جد طعمها بشهي ومنظرها بفتح النفس بنصحكم تجربوها .....
وصحتين وألف عافية

[أم سيرين]

عاشت الايادي على روعة ما طرحت لقلبك السعادة

[غرق]

طرحت فأبدعت لك كل الاحترام والمحبة

[رحيل]

سلمت أناملك على جمال طرحك
الله يعطيك العاافيه
لك جنائن الورد وأصدق الود

[الوافي]

ع ــناقيد من الجمال
تحيط بروعة نشاطك وانتقائك
,ابدعت فــي طرحك
الرائع يدوم التالق والتميز الراقى
لكم كل الود والاحترام

[ابراهيم دياب]

الف شكر لكِم على الموضوع الراقى
سلمت يداكم على طرحكم الاكثر من رائع
و الله يعطيكم الف عافيه...
وفي انتظاااارجديدكم دائما
.*. دمتِم بسعاده لاتغادر روحكم.*.
https://www10.0zz0.com/2023/04/13/19/335667802.gif